Vestmannaeyjar hafa markað sér sess sem einn áhugaverðasti mataráfangastaður landsins. MATEY sjávarréttahátíðin snýr nú aftur í fjórða sinn og býður gestum í einstaka upplifun þar sem ferskasta hráefni landsins mætir skapandi matreiðslu í hæsta gæðaflokki.

Samvinna

Kjarni MATEY er samvinna. Veitingastaðir, framleiðendur og ferðaþjónusta sameina krafta sína til að sýna það besta sem Eyjarnar hafa upp á að bjóða. Fjölskyldureknir veitingastaðir bæjarins taka á móti völdum heimsklassa gestakokkum sem, í samstarfi við heimamenn, túlka íslenskt sjávarfang á ferskan og nútímalegan hátt , þar sem stutt er á milli veiða og matargerðar.

Nýjungar og sjálfbærni

MATEY byggir á sterkum grunni bláa hagkerfisins í Vestmannaeyjum. Í ár bætist ný vídd við hátíðina þegar í fyrsta sinn verður boðið upp á lax frá landeldinu Laxey. Þar mætast nýsköpun, sjálfbærni og gæði í hverjum bita.

Hvar?

Á MATEY verða veitingastaðirnir Gott, Næs og Einsi Kaldi með sérhannaða margrétta seðla í samstarfi við gestakokka hátíðarinnar. Tanginn og Kráin bjóða upp á sérstaka hátíðarrétti og Brothers Brewery kynnir sérlagaðan MATEY-bjór sem fullkomnar upplifunina.

Ferskasta hráefnið

Hráefnið kemur beint frá öflugum framleiðendum í Eyjum, þar á meðal Ísfélaginu, Vinnslustöðinni og Laxey , sem tryggja ferskleika og gæði frá uppruna til disks.

Meira en bara máltíð

MATEY er mögnuð matarupplifun.

Við bjóðum þér að koma á einstakan mataráfangastað, þar sem stórbrotin náttúra og lifandi samfélag skapa rammann utan um ógleymanlega helgi.

Vestmannaeyjar eru alltaf góð hugmynd.

Framúrskarandi gestakokkar á MATEY 2026

Framúrskarandi hópur matreiðslumeistara mun taka þátt í MATEY sjávarréttahátíðinni í Vestmannaeyjum dagana 22.-23.maí 2026 en sérhver þeirra hefur markað spor í íslenskri og alþjóðlegri matargerð.  Þeir munu skapa einstaka matarupplifun þar sem ferskt íslenskt sjávarfang er í aðalhlutverki á nokkrum af helstu veitingastöðum Vestmannaeyja.

• Hákon Már Örvarsson verður á veitingastaðnum GOTT
• Gústav Axel Gunnlaugsson verður á veitingastaðnum Einsa kalda. 
• Vilhjálmur Sigurðarson verður á veitingastaðnum Næs.

GOTT býður upp á 5 rétta seðil
föstudag 22.maí og laugardag 23.maí.
Gestakokkur: Hákon Már Örvarsson

Verð: 11.900 kr

Pantaðu borð á GOTT:

MATSEÐILL Á GOTT

Eyjahumar að hætti Hákons

Smálúða „Crudo“

Þunnt sneidd - snöggmarineruð smálúða

lime, rjómi, fennel, radísur, epli, nordic wasabi

Reykilmaður Landeldis Eyjalax „ Confit“

Grófkorna sinneps-hunangsgljáður

Dressaður nýr hvítur aspas og freyðandi aspas sósa

Paprikukrem, ólífur og djúpsteikt capers

Skötuselur „Wellington“

Innbakaður skötuselur í smjördeigi með sítrus-vanillu beurre blanc sósu

Vorgrænmeti

Alvöru súkkulaðimús

Jarðaberjarjómaís og rauð ber

NÆS býður upp á 5 rétta seðil
föstudag 22.maí og laugardag 23.maí.
Gestakokkur: Vilhjálmur Sigurðarson

Verð: 11.900 kr

Pantaðu borð á NÆS:

MATSEÐILL Á næs

Reykt þorskhrogn

Rófur, reyktur laukur

Grillaður leturhumar og karfi 

Hollandaise, ætihvönn & sólskins tómatar

Laxeyjar lax gljáður með fíflahunangi

Jógúrt, gerjuð gulrótarsósa, súra & radísur

Grillaður Skötuselur

Karamelluserað eggaldin, beltisþari & heimagert svartlauksduft

Steinseljurót og hvítsúkkulaði

Hunang & sítrónuverbena

Einsi Kaldi býður upp á 5 rétta seðil
föstudag 22.maí og laugardag 23.maí.
Gestakokkur: Gústav Axel Gunnlaugsson

Verð: 11.900 kr

Pantaðu borð á Einsa kalda:

MATSEÐILL Á einsa kalda

Skarkoli og leturhumar

Jarðskokkar, kryddjurta-majónes, sýrður laukur, hollandaise

Skötuselur

Kræklingasoð, piparrót, epli, seljurót

Laxa Tataki

Soja, agúrka, súrmjólk, sólselja

Léttsaltaður Þorskhnakki

Bankabygg, tómatur, chorizo, basilika

Hvítsúkkulaðimús

Kakóbaun, bláber, blóðberg

Dæmi um fjölmiðlaumfjöllun um fyrri MATEY sjávarréttahátíðir