Gott
Fjölskylduveitingahús á besta stað. Eigendurnir eru fyrrverandi landsliðskokkur og metsöluhöfundur matreiðslubóka.
Slippurinn
Upplifðu Vestmannaeyjar í gegnum veitingastaðinn SLIPPINN rekið af matreiðslumeistaranum Gísla Matt & fjölskyldu hans þar sem áhersla er lögð á hráefni í nærumhverfi þar sem matseðillinn breytist ört eftir því hvaða hráefni er í árstíð hverju sinni.
Slippurinn hefur í gegnum árin skipað sér sess með bestu veitingastöðum landsins og hefur verið rekið með mikilli ástríðu í yfir 10 ár.
Slippurinn er einungis opinn yfir sumartíman.
Einsi Kaldi
Einsi og hans kokkalið hafa mikla unun af sinni sérhæfingu sem er að töfra fram ljúffenga og framandi sjávarrétti. Hugmyndarflug Einsa nýtur sín til fulls þegar hann vinnur með ferskt, fjölbreytt og einstakt hráefni úr Eyjum og hafinu umhverfis þær.
Pítsugerðin
Pítsa og bjór er blanda sem hefur aldrei í sögu mannskyns klikkað. Það að pítsan sé eldbökuð og bjórinn ískaldur er bara betra.
The Brothers Brewery
Auðvitað er brugghús í Vestmannaeyjum. Hvort sem þú hefur áhuga á bjórdrykkju eða drykkju almennt þá hittir brugghús í mark.
Næs
Næs er systur staður Slippsins og býður upp á næs mat, næs vín þar sem áhersla er lögð á náttúruvín og góða næs kokteila og bjóra!
Kráin
Alvöru hamborgarar, lokur og pítur en líka, og þetta er geggjað, Hlöllabátar. Það er hægt að leyfa sér á Kránni.
Tvisturinn
Tvisturinn hefur afgreitt Eyjamenn með pulsu með öllu og blandi fyrir afganginn síðan 1988. Svo er ís og allskonar góðgæti í boði. Þetta er svona ekta íslensk sjoppa eins og við elskum öll.
Tanginn
Nærðu þig á líkama á sál við höfnina. Útsýnið er geggjað og maturinn líka. Það er hægt að sitja úti og fá lífið í höfninni beint í æð.
Vigtin bakhús
Dýrðarinnar bakkelsi afgreitt í gömlu vigtarhúsi. Húsið sjálft er eins og sykursæt kolvetnisbomba fyrir augun þannig að allir sem eru á ketó-mataræðinu þurfa að passa sig aðeins.
